黃子華棟篤笑之末世財神

1994末世财神篇 金劳 我问你，一个人点解要带劳呢？因为你唔带劳，我觉得，你有乜资格话时间系宝贵嘅？我嘅时间点宝贵？呐，你睇下我只劳，咁啊氹氹框行一只圈呢，十几皮野，平均每个钟皮几野。 你果滴表啊，平均每个钟几多啊？几旧水？几十蚊咁啊？咁迷系咯，咁我点同你一齐食饭呀，大家时间观念都唔同！而事实上我觉得呢，带金劳，系一种礼貌来嘅，即系如果今日有边位，你系带果滴所谓天长地久表来到睇我，我觉得尼滴朋友曾经拥有就算了。喂，即系我点同kenwood交待啊，又话你滴观众好高档，连劳都冇只。即系你带劳来到睇细佬，你系比面细佬！而最紧要啊，你带劳系我觉得表示你人有幽默感，呐你捻下啦，劳力士，有边个可以靠劳力搵食嘅人带得起劳力士呀？越带劳力士既人就越表示你个人唔驶用劳力！呐，尼种就叫做幽默啦。愿幽默常与你们同在！ 菲律宾 捻起来香港系好巴闭嘎，大家有冇捻过哈？我地香港呢，即系咁细一个岛仔，喂宜家，养起咗人地成个国家啊，菲律宾啊。 牛扒 个厕所好恐怖，当时我唔够胆用，我情愿落去借用人地茶餐厅嘅厕所，但系我唔会食距地滴嘢，唔敢食，太便啦。十八蚊咁大块牛扒，你滴乜野牛来嘎？咁便嘅？有腮嘎？钓翻来嘎？话唔定果滴唔系牛肉，果滴可能系老鼠肉来噶啵，有冇咁大只老鼠？深水埗成日有好多老鼠翻唔到屋企嘎你地知唔知？唔知点解因为太肥，逼唔翻入个隆度！

银行存款 最惨嘅即系比较哀伤噶滴就系，住系深水埗嘅人大部分呢，都系患咗绝症嘅。即系因为住系深水埗嘅大部分人，距地银行存折都系得四位数字噶咋。喂即系我点知嘅？咁你成日去摁机，未轮到你。咁你做咩啊？大家都做啦，唔使讲出来。好啦，四位数字我问你啦，四位数字你食得几耐啊？宜家咁嘅物价指数，一个月？两个月？咁迷系咯，咁你同一个患咗绝症嘅人有乜分别喈？都系得一两个月命！我觉得尼滴人呢，可以申请……即系好似我咁样啦哈，四位数字，可以去申请入医院咯，得噶啦，姑娘问你：“乜病呀？”“我……我有咗四位数字啊！”系啊，所以滴人话，咩吸烟危害健康，吸烟梗系危害健康啦，一包烟廿几皮，食咗十另包冇左几旧水，仲唔危害健康？其实，睇戏又危害健康，卡拉OK又危害健康。啊？Shopping？唔好啦？致癌啊，旧年shop咗一次，差滴过唔到年！ 衰老 我都信距冇睾丸癌尼滴，就算有都唔惊，因为大家都知嘅，老人系唔怕绝症嘅，因为老本身就系最劲嘅绝症。

艾滋 我好嬲，有冇搞错，我呢代人已经有样嘢叫艾滋个喎，我以前从嚟都冇个喎，我睇我老豆阿爷都好happy个喎，轮到我呢代，即系我最沟得女嗰阵就有样嘢叫艾滋。系，我知，戴安全套埋冇事咯。喂，大佬，使唔使咁安全啊，我哋讲紧做爱，唔系做世界啊，要不要揾埋线人啊？